沖繩自駕遊 5日4夜 Day 1 ~

因女朋友生日既關係,由計劃到完成差不多用左一個月時間,係咁熱既天氣底下,陽光與海灘絕對係首選,本身就打算去日本的我,沖繩會係一個不錯的選擇。

因時間比較急,一般機票已全部售完,就只餘下大旅行社的套票有位,唯有4晚都住同一酒店,而自己又計劃會自駕遊,所以問題不大。在出發前一星期,已於OTS台灣網站預約左所需要的汽車,因有中文的關係,所以非常簡單。

網址:http://www.otsrentacar.net

今次選擇香港航空直飛沖繩,一日只有一班,去程11:25,回程15:40當地時間。

那霸機場比想像中細小,一眼可以睇得哂,但整潔非常,因租車的關係,一出閘就四出尋找租車櫃位,但原來對方已安排工作人員在出閘口等待接送去交車場。

等齊人後便會坐專用OTS車到交收站,非常貼心。

如行程需要到達其他收費景點,建議在租車公司購買門票,會有折扣。

這架便是我所租的五人車。

日本的GPS系統非常完善,只需輸入目的地的電話號碼,GPS就會帶你到你想去既地方。

交收之後,已經差不多17:00,時間緊迫,唯有立即開始出發行程第一站,就是在租車中心左近的ASHIBINAA OUTLET。由交車中心到達OUTLET只需5分鐘,非常近。

這就是OUTLET MALL的免費(無料)停車場。

ASHIBINAA OUTLET係集合各地名牌既OUTLET,有半價有七折,應有盡有,需然係平,但款式比較舊款,新款就沒有折扣,我個人就沒有啱心水物品,但都可以一行。

到處都有不同的飲料售賣機,入面的飲品都好靚,好想飲。

在OUTLET MALL不遠的位置有一間非常出名的BLUE SEAL雪糕店,有機會見到,當然第一時間入去試試。

除了必食的BLUE SEAL雪糕外,佢地既朱古力奶都是很有名的。

因天色已經開始黑,已經差不多18:40,所以要開始起程返酒店Check-IN。

由ASHIBINAA開車到那霸市酒店,需時30分鐘,而今次酒店我選擇左JAL City Naha,此酒店位置就是在最繁榮的沖繩國際通上,上落行街非常方便。

此酒店在市區算是比較有質數的一間,再加上座落國際通中心,價錢一定會比其他貴一點,房間不大,但整齊美觀。

浴室細細,但應有盡有。

每層走廊都附設飲料售賣機和製冰機,非常貼心。

不知不覺,時間已到了差不多20:00,係時候享受行程中第一餐晚餐,當晚選擇左沖繩非常出名的石垣牛,經網上網友介紹,守禮是我們第一首選。由酒店步行5分鐘,穿過國際通就會到達,非常方便。

食店很有日本料理氣息,感覺良好,但因為是燒烤店,整間店都是燒烤味。

登登登登,非常好味的石垣牛出場,肉質非常滑,入口即溶,所以價錢一點都不便宜。

食飽之後就是另一節目,行街,國際通其實是一條街,在沖繩非常有名,可以話遊客必到的地區,街上大大小小的店鋪,好有日本色彩。尤其市場本通,入面有不同大小的特色店鋪。

街上有好多專賣手信的店鋪,所以唔需要擔心買唔到手信。

賣煙的店鋪非常有日本風味。

沖繩的海塩係日本最為出名,這間海塩專門店內有過百種不同海塩,真係不知買邊一隻好。

地度的雪塩雪糕,咸咸地,好怪,最重要係好重奶味,我最憎。

平和通內的一些店鋪,間間都有很多特色物品。

今天的行程已經差不多,不知不覺已行到23:00,係時候返回酒店休息,因為明天需要一大清早出海享受陽光與海灘 ~

沖繩自駕遊 5日4夜 Day 2 ~

沖繩自駕遊, 
沖繩自駕遊, 
沖繩自駕遊, 
沖繩自駕遊, 
沖繩自駕遊
This entry was posted in 旅遊, 日本, 沖繩. Bookmark the permalink.

7 Responses to 沖繩自駕遊 5日4夜 Day 1 ~

  1. Avatar JanJan says:

    石垣牛都真係幾吸引咁~ 😛

  2. Avatar Chris says:

    我想問下,你架車晚上泊在那裡?

  3. Avatar AY says:

    想問下咁樣租5日4夜要幾錢
    係個網搵唔到價錢

  4. Avatar Joan says:

    請問機票和酒店多少錢?在那間訂?謝謝。

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.